Report question

Note: your identity will not be shared with the person who sent you this message.
This field is required

محتاجة اتعلم كتابة المحتوى للدعاية

محتاجة اعرف ازاي يكون البوست لافت للعميل

Sign in to answer

1 answer

سلام عليكم ده موضوع كنت كتبته من فتره علي صفحتي علي فيسبوك اتمني أنه يفيدك

طريقه كتابه محتوي تسويقي بطريقه سليمه وتشد العميل وتوصلنا للهدف اللي عاوزين نوصله👌

الاول نعرف يعني ايه محتوي 🤔

👈تعريفه بيقول ان اي محتوي في الاصل هو مكتوب وفيه منه ٣ انواع محتوي مقروء ومسموع ومرئى

⁦⬅️⁩في البدايه برده لازم نعرف ان كل أشكال المحتوى ليها هيكل ثابت بنشتغل عليه بيتقسم بالشكل ده

العنوان (Headlines)

المقدمة (Introduction)

الجسم (Body)

الملخص (Summary)

الطلب (Call to Action)

طيب نبداء نتكلم بطريقه اابسط شويه

انا عندي منتج او خدمه عاوز اعمله بوست الناس تتفاعل معاه

ابداء. اكتب عنوان شيق واختار جمله من كلمتين او تلاته تشد اللي يشوفها

اكتب مقدمه ماتذيدش عن سطرين اتكلم فيها بطريقه فيها تسلسل تخلي اللي بيقرا البوست يكمل معايا للاخر واستعمل الايموشنز والاسهم والارقام في تسلسل البوست

الجسم ده صلب البوست او الموضوع لازم يكون مختصر وواضح مفيهوش غموض وبستخدم فيه طريقه كتابه بسيطه حسب عقليه المستهدف من البوست واوصل فيه المعلومه كامله وباختصار وماننساش التسلسل في طريقه الكتابه

الملخص ده بقي اللي بحاول اوضح فيه للي بيقراء هايستفيد ايه او ايه الميزه اللي بقدمهاله او العرض او الخصم او لمفاجاءه وكل بوست حسب نوع الخدمه او المنتج اللي بسوقه وبرده ما ننساش التسلسل في ضياغه النص

⁦⬅️⁩اخر حاجه عندنا هي الطلب ودي اهم خطوه لازم نوصل القارئ ليها من غير ملل

الطلب هنا بكتب ايه اللي المفروض العميل يعمله بطريقه غير مباشره وبرده هنا ببتحكم نوع المنتج اوالخدمه ولكن بصفه عامه احنا بنسخدم الخطوه دي علشان نشوف تفاعل مع البوست او بطلب من القاري نشر المنتج او الفكره بشكل معين او بحط لينك او هاشتاج او رقم يكلمنا عليه وبتبقي في صيغه لو عاوز تفهم اكتر كلمنا

وفي النهايه عنصر حذب انتباه القارئ مهم جداا ويختلف من مجال لآخر

وبالتوفيق ان شاء الله

Report جمال يوسف's answer

Note: your identity will not be shared with the person who sent you this message.
This field is required